نكت مغربية

واحد السيد مشا يخطب واحد البنت سولو باها

قالوا : فاش خدام؟

جوبوا الولد : كولونيل

باها متيقش مبيناش عليه

نهار تاني تبعو للخدمة لقاه تيبيع الكولونات فالسوق

واحد السيد خانز فلوس دار واحد الحفلة و عرض على بزاف ديال الناس.. و في وسط الحفلة قاليهم عندي ليكم واحد التحدي و اللي دوزو غادي نزوجو بنتي وﻻ نعطيه اللعاقة اللي بغا.. قاليهم اللي عام فهاد لابسين من راس حتى الراس و ما كلاهش القرش غادي يربح.. المهم حتى واحد ما زعم.. شوية هوما يسمعو بشاااخ.. شافو لابسين لقاو واحد خونا كي درع على جهدو حتى وصل لراس ديال لابسين و هو يخرج سخفااان.. جا عندو خونا و قاليه بغيتي بنتي ولا الفلوس؟ و هو يقول ليه ما بغيت لا بنتك لا فلوس.. بغيت نعرف هاد.ولد الحرام اللي دفعني

قاليك هذا واحد السيد توضر ليه ولدو فالسوق

..تلاقا مع واحد المبوق قاليه مابانش ليك واحد الدري صغير

قاليه المبوق : تبعني

مشا معاه طلعو لواحد العمارة فيها 24 طاج

ملي وصلو للسطح قاليه : شنو كايبان ليك

جاوبو السيد : الناس بزااااف

المبوق : و فوسط كااااع هاد الناس مابنت ليك غير أنا تسولني

قالك هدا واحد عندو صطافيط كيهز فيها البلايص ... واحد النهار جاه بريكول غادي يوصل شي عيالات لسبيطار يشوفو جارتهم خديجة مريضة .. وكل وحدة غادة تعطيه 50 درهم .. المهم السيد ركبهم بقات بلاصة وحدة خاوية .. يالاه ديمارا الصطافيط و هي تجي واحد المراة كتجري و تقول تسنى تسنى .. السيد فرح و قال مع راسو ها بلاصة اخرى جابها الله .. العيالات قالو ليه لا ماتحبسش ليها .. هاديك جارتنا حليمة المنحوسة .. الا ركبتيها راه موحال يسهل الله فهاد الخرجة ... قال ليهم لا لا هادشي مامنوش لعنو الشيطان خليو السيدة تركب .. المهم يالاه حل ليها الباب و هي تقول ليهم حليمة : نزلو نزلو .. خديجة راه خرجات من السبيطار و جات لدارها

هدا واحد السيد من بركان مشا يخطب لولدو بنت من وزان مشاو عند الناس ويكوليه حنا جينا طالبين رغبين فبنتكم لولدنا وحنا راه فرحانين حيت غادي نتناسبو مع ناس من وزان الله يعمرها دار ومدكورين فالقرأن..راجل دخول العجب قالو فين أودي شفتينا مدكورين ف القرأن قاليه فديك الآية د والزاني والزانية